वय अजुनी सरले नाही

मूळ गीत: भय इथले संपत नाही
कवी: ग्रेस
संगीतकार: हृदयनाथ मंगेशकर
गायिका: लता मंगेशकर
*****

वय अजुनी सरले नाही
नरड्यास खाज पण येते
मी संध्याकाळी गातो
जाली तू टंकलीस गीते

ते छंद, वृत्त, त्या जाती
चारोळी नव्या कवींची
परि गाता साधत नाही
गणित हे तालमात्रांचे

तो गूलकंद गोडूसा
कपड्यांस चिकटुनी गेला
मर्कट आधीच स्वभावे
त्यातही मद्य जणु प्याला

उत्स्फूर्त ही कविता अवघी
गुणगुणते शब्द कुणाचे
हे रचता साधत नाही
वीडंबन तव काव्याचे

विडंबनकार: प्रशांत उदय मनोहर

मूळ चालीत मी माझ्या सोयीप्रमाणे काही बदल केलेत ह्याची कृपया नोंद घ्यावी.