वाच वाचुनी अति मी दमले...

फोडली तिजोरी - लुटला सर्व ठेवा...

अंगणात ही स्कुटी अशीच राहु दे...

" अंगणात ही स्कुटी अशीच राहु दे - "
(चाल:- जीवनात ही घडी अशीच राहू दे)

अंगणात ही स्कुटी अशीच राहु दे
पेट्रोलच्या टाकीवरी गंज वाढु दे ||धृ||

रंगविले गॅरेजात कितिक देखणे
आवडले गाडीला खूप खर्चणे
स्वप्नातही बंद ना कधीच वाटु दे |१|

हळुच तिला पुसण्याचा छंद आगळा
गाडीचा त्याविण का व्यर्थ हा लळा
वर्षातुन छंद बंद कधि न होऊ दे |२|

...पाहु दे असेच तिला आता गंजता
राहु दे पेट्रोल भाव नित्य वाढता
महागाईत पायपीट सार्थ होऊ दे |३|

विडंबनकार: विजयकुमार देशपांडे

विडंबन इथे ऐका.

तोच थंडगार भात ..

" तोच थंडगार भात .."
(चाल: तोच चंद्रमा नभात, तीच तूही -)

तोच थंडगार भात तीच प्लेट पाहुनी
एकांती मजसमीप तीच भीति का मनीं !

खारट चटणी तशीच रोज तेच भांडणे
पोळ्यांनी सोडियले नीट येथ भाजणे
भाजीचा गंध तोच तीच कुबट फोडणी !

सारे जरि ते तसेच संधि आज ती कुठे ?
मीहि तोच, तीच तीहि, दुसरी मेस ती कुठे ?
ती कपात ना दरात अश्रु दोन लोचनी !

त्या पहिल्या आम्टीच्या आज लोपल्या खुणा
डाळ ह्या जलात व्यर्थ मूढ शोधतो पुन्हा
नीट ये न ते कळून भंगल्या भुकेतुनी !

विडंबनकार: विजयकुमार देशपांडे
विडंबन इथे ऐका.

जीकेके!

जा मुला जा, तिच्या घरी तू सुखी रहा...

" जा मुला जा, तिच्या घरी तू सुखी रहा... "
(चाल : गंगा जमुना डोळ्यांत उभ्या का,
जा मुली जा, दिल्या घरी तू सुखी रहा-)

होंडा इंडिका थाटात उभ्या का
जा मुला जा, तिच्या घरी तू सुखी रहा... |धृ |
कडकडुनी तू मिठी मारता, डोळे
माझेपण झाले ओले, चुकवित तोंड बळे
आठवले सारे सारे गहाण ते गाळे
तुज कर्जाचे भय न संगती, जा |१|

श्रीमंत उभी सासरा नि सासू जोडी
बघ धूड सासुचे हसले तोंड ती वेंगाडी
पूस रे डोळे या सदऱ्याने - आवर ती जाडी
रूप दर्पणी नसे देखणे, जा |२|

आय.टी.ची ती सून वाढत्या पगाराची
जमले तिचे रे कैसे तुजवर लव्ह - लफडे
हटू नकोस मागे मागे काम कितीही पडे
नकोस विसरू धुणि-भांड्याला, जा |३|

विडंबनकार:  विजयकुमार देशपांडे
विडंबन इथे ऐका.

बाई माझी, ही तंगडी मोडली...

संथ पाडते कविता बाई ...

दूर नसे घरदार, आम्हाला नाही कुणाची भीती

शब्दच्छल!

दोन मित्र! गणपतराव आणि गोपाळराव! दोघांच्या मैत्रीचं समान सूत्र म्हणजे पुलंभक्ती, संगीताविषयीची आवड आणि मराठी भाषेचा अभिमान!
हे दोघे काय बोलताहेत ते ऐकूया.