मंत्रालयातली कहाणी...

दिवस तुझे हे लिहायचे...

माझे जेवण गाणे...

अजुनी बसूनी आहे

काढला संग्रह कवितांचा...

(चाल: ’ कानडा राजा पंढरीचा ’)

कोणालाही नाही वाटला,
खर्च फार याचा-
काढला संग्रह कवितांचा |धृ |

मेजावर तो विक्रीस सत्वर
कसा पसरला असा ढीग वर
कुपन ठेविले खास प्रतींवर
खप ना चार प्रतींचा ...
काढला संग्रह कवितांचा ..

परमभाग्य हे "नात्यां"साठी
उभे ठाकले "फुकटे" पाठी
उभा राहिला जमाव सावध
जणु की शोकसभेचा ...
काढला संग्रह कवितांचा ..

तो गझलेचे शेर वाचतो
हा चारोळ्या नित्य पाडतो
अभंगवाणित कोणी रमतो
वाली ना कवितेचा ...
काढला संग्रह कवितांचा ..

विडंबनकार: विजयकुमार देशपांडे

रगडा, पॅटिस, पाणीपुरीवर फरसाणही दिसले ...

आज पाहुणे घरात घुसले, तुझ्यामुळे...

"" आज पाहुणे घरात घुसले, तुझ्यामुळे - ""
(चाल: आज चांदणे उन्हांत हसले, तुझ्यामुळे-)

आज पाहुणे घरात घुसले, तुझ्यामुळे
नात्यातून बघ अंतर पडले, तुझ्यामुळे ...

घाव अंतरी बसतच होते
घर खरोखर सुखात होते
खर्चातून हैराण जाहले, तुझ्यामुळे ...

उसनवारीचे द्रव्य जमविले
व्याजच होते भारी कसले
द्र्व्यास्तव ते सर्व भांडले, तुझ्यामुळे ...

उगाच माझी होती दैना
खाली पाकिट मार्ग सुचेना
वादातून दाताड विचकले, तुझ्यामुळे ...

सदनि या जरी होती शांती
पाहुणे परंतु येता बोंब ती
आज शंख तरि मीच ठोकले, तुझ्यामुळे ..

विडंबनकार: विजयकुमार देशपांडे

मतदानाच्या यादीमधुनी गायब राजा राणी...

किती म्हाताऱ्याचे चाळे....

मूळ गीत: फिटे अंधाराचे जाळे
(एका बुजूर्ग नेत्यावरून हे सूचलंय)

किती म्हातार्‍याचे चाळे, गुंते नको त्या पाशात
लक्ष गौळणीच्याकडे, रमे अश्लील कोशात ..

श्रेष्टी जागे झाले सारे, मीडियाही जागा झाला
पर्व संपता माजोरी, उरति पापाच्या सावल्या
एक अनोखे ग्रहण, लागे म्हाताऱ्या नेत्यास (१)

गाव उंडारून झाली, किती रंगल्या त्या राती
राणी नवीन अज्ञात, जन्मे पुत्र तिच्यापोटी
आश्वासनपूर्ती नाही , जग भकास भकास (२)

झाला तरुण प्रकाश, पेटे मिटाया काळोख
म्हातार्‍याला डीएनएचा, कोर्ट कचेरी आदेश
खोबरे अब्रूचे झाले आता एकाकी प्रवास (३)


विडंबनकार: गजानन लोखंडे

एक त्रागा सुनेचा

रोज कौतुकात दंग बायको जरी

"" रोज कौतुकात दंग बायको जरी -""
( चाल: आज गोकुळात रंग खेळतो हरी )

रोज कौतुकात दंग बायको जरी ,
लाटणे जरा जपून आज बघ करी |धृ |
तोच मित्र रोज सिगारेट ओढतो
थेट खिशातून तुझ्या नोट काढतो ,
गुंतवुनी बोलण्यात चहा उकळतो -
सावध केले मी तुला कितीदा तरी |१|

सांग मित्रमंडळास काय जाहले ?
कुणी गंडविल्याविना कुणा न सोडले !
ज्यास त्यास लुटण्याचे चंग बांधले -
एकटाच वाचशील काय तू तरी |२|

तू कधीच रंगढंग नाही उधळला !
मित्रमंडळात तरी कसा गुंगला ?
तो पहा - चंडिकेस पत्ता लागला ...
हाय, धावली धरून लाटणे करी |३|

विडंबनकार: विजयकुमार देशपांडे

देशाची तिजोरी बापाचाच ठेवा ....

वय अजुनी सरले नाही

मूळ गीत: भय इथले संपत नाही
कवी: ग्रेस
संगीतकार: हृदयनाथ मंगेशकर
गायिका: लता मंगेशकर
*****

वय अजुनी सरले नाही
नरड्यास खाज पण येते
मी संध्याकाळी गातो
जाली तू टंकलीस गीते

ते छंद, वृत्त, त्या जाती
चारोळी नव्या कवींची
परि गाता साधत नाही
गणित हे तालमात्रांचे

तो गूलकंद गोडूसा
कपड्यांस चिकटुनी गेला
मर्कट आधीच स्वभावे
त्यातही मद्य जणु प्याला

उत्स्फूर्त ही कविता अवघी
गुणगुणते शब्द कुणाचे
हे रचता साधत नाही
वीडंबन तव काव्याचे

विडंबनकार: प्रशांत उदय मनोहर

मूळ चालीत मी माझ्या सोयीप्रमाणे काही बदल केलेत ह्याची कृपया नोंद घ्यावी.

उगिच घातला घाव...

( चाल : नाही खर्चली कवडी दमडी...)

नाही चाखली चव 'लाडू'ची, नाही घेतला ठाव
उगिच घातला घाव, हाताने उगिच घातला घाव |धृ |

कुणी आपटे 'तो' फरशीवर
कुणा वाटते फुटे भिंतीवर
फुटण्याचे ना घेतो इतुके फोडियले तरी नाव .. |१|

'काळ' मम मुखी लाडू घरचा
जबडा न कळा सहतो वरचा
हात दुखोनी तुटेल भीती दाताचा न टिकाव .. |२|

जितुके लाडू तितुकी नावे
हृदये चिडुनी शिव्यासी द्यावे
मनीं न आवडे पत्नीपुढे मी दीन-अनाथ-'अ'भाव .. |३|

कवी: विजयकुमार देशपांडे

नव्या साडीसाठी....

" नव्या साडीसाठी- दोघांची भ्रमंती.."
(चाल: इंद्रायणीकाठी- देवाची आळंदी)

नव्या साडीसाठी- दोघांची भ्रमंती
चालली खरेदी.. थांबेना ती.. |धृ |

सवलतींचा ताजा- लागतो ढीग
नाचती विक्रेते.. मागे पुढे.. |१|

माझ्यापुढे साठे- खर्चाचा हिशेब
भांडणात वाढ.. पत्नीसंगे.. |२|

मागची उधारी- राहिली अजून
जॉर्जेट.. शिफॉन.. सुटका नाही.. |३|

कवी: विजयकुमार देशपांडे

अशी वाहने येती...

(चाल - अशी पाखरे येती - )

अशी वाहने येती, आणिक ढुशी देऊनी जाती
दोन दिशांनी धावत थांबत, दोष दुजाला देती ...

खांब तो मला कधि ना दिसला, ताठा कोठे अता राहिला
जरा खालुनी, जाय उखडुनी, तारा वरच्या झुकती ...

पुढून येता पोलिस दिसले, मी स्कूटरवर मला तोलले
नव्हते लायसन्स, घरीच ते तर, कुंठित झाली कुमती ...

हात एक तो पुढेच सरला- काठीवर खात्रीने फिरला-
देवघेवीतील सवयी अजुनी, कुठून मज त्या कळती ...

पुढे तयांच्या खाण्यासाठी, मीच हात ते धरले हाती
त्या घडल्या तोडीची आता, दूर पसरली ख्याती !

........... विजयकुमार देशपांडे

वाच वाचुनी अति मी दमले...

फोडली तिजोरी - लुटला सर्व ठेवा...

अंगणात ही स्कुटी अशीच राहु दे...

" अंगणात ही स्कुटी अशीच राहु दे - "
(चाल:- जीवनात ही घडी अशीच राहू दे)

अंगणात ही स्कुटी अशीच राहु दे
पेट्रोलच्या टाकीवरी गंज वाढु दे ||धृ||

रंगविले गॅरेजात कितिक देखणे
आवडले गाडीला खूप खर्चणे
स्वप्नातही बंद ना कधीच वाटु दे |१|

हळुच तिला पुसण्याचा छंद आगळा
गाडीचा त्याविण का व्यर्थ हा लळा
वर्षातुन छंद बंद कधि न होऊ दे |२|

...पाहु दे असेच तिला आता गंजता
राहु दे पेट्रोल भाव नित्य वाढता
महागाईत पायपीट सार्थ होऊ दे |३|

विडंबनकार: विजयकुमार देशपांडे

विडंबन इथे ऐका.

तोच थंडगार भात ..

" तोच थंडगार भात .."
(चाल: तोच चंद्रमा नभात, तीच तूही -)

तोच थंडगार भात तीच प्लेट पाहुनी
एकांती मजसमीप तीच भीति का मनीं !

खारट चटणी तशीच रोज तेच भांडणे
पोळ्यांनी सोडियले नीट येथ भाजणे
भाजीचा गंध तोच तीच कुबट फोडणी !

सारे जरि ते तसेच संधि आज ती कुठे ?
मीहि तोच, तीच तीहि, दुसरी मेस ती कुठे ?
ती कपात ना दरात अश्रु दोन लोचनी !

त्या पहिल्या आम्टीच्या आज लोपल्या खुणा
डाळ ह्या जलात व्यर्थ मूढ शोधतो पुन्हा
नीट ये न ते कळून भंगल्या भुकेतुनी !

विडंबनकार: विजयकुमार देशपांडे
विडंबन इथे ऐका.